BEGIN TYPING YOUR SEARCH ABOVE AND PRESS RETURN TO SEARCH. PRESS ESC TO CANCEL

Kush ka kapur Sindikatat?

Skllavëria nuk është natyrore por modeli që kasta na imponon!

Pa sindikata nuk ka punëtorë por skllevër, puna nuk është më e drejtë por mëshirë e atyre që rrogën mujore të një punētori e prishin në një drekë luksi.

Jetojmë në një kapitalizëm feudal pa shtet e pa sindikata, më i forti mbijeton e merr hak për padrejtësitë!

‪#‎NukEshteVone‬ për Dinjitet!

 

Të drejtat e punëtorëve ashtu si çdo e drejtë tjetër në këtë vend, nuk varen nga ligji por nga mëshira e pushtetit!

Punëtorët, si çdo kategori e dobët vuan shfrytëzimin dhe braktisjen e SINDIKATAVE dhe një “shteti” hajdut.

Pa sindikata nëpër këmbë, rrogat mund të mbahen nën kufijtë e mbijetesës.

Biznesi nuk tenton të bëjë investime teknologjike por mbetet obsolet bazuar mbi numrin e punëtorëve

Kjo nuk dëmton vetëm punëtorët por dhe biznesin e prodhimit sepse me rroga të ulta, konsumi i përgjithshëm dhe kërkesa agregate për mallrat e tyre bie, çmimet bien e bashkë me to fitimet. Me uljen e fitimeve bizneset mbyllen e papunësia shtohet duke rifilluar ciklin vicioz si më sipër.

Por kjo varfëri dhe papunësi i intereson vetëm oligakisë politike dhe monopoleve ekonomike të importit që lulëzojnë mbi skamje.

Me rroga mbijetese, nën frikën dhe mëshirën e përditshme për oraret, pushimet, rrogat, kushtet në punë – PUNËTORËT SHQIPTARË janë më të persekutuarit në Europë!

Pusht/eti autokratik, njësoj si në komunizëm krijon vetëm institucione fallco, vetëm në pamje të pavarura!

Pluralizmi dhe ndarja e pushtetit mbeti vetëm në letër se oligarkia nuk toleron dot ta konkurrojë asnjë organizatë tjetër!

Masat janë pronë eskluzive e partive sepse i mbledh dhe organizon vetëm partia, që mos të bëhet kurrë popull por të mbeten turrma të përçara e të manipuluara.

Ndikimi në jetën politike nga ana e qytetarëve është i pamundur sepse të gjitha kanalet janë të bllokuara dhe zemërimi i qytetarëve nuk bëhet dot “Zë i fuqishëm” por tretet tek filxhani i kafes!

Partitë, sindakatat aktuale, median, shoqërinë civile, universitet dhe gjithçka kontrollohet nga oligarkia!

Diktatura nuk ra kurrë por vetëm u maskua me “vellon” e demokracisë!

Kalimi i pushteti nga partitë tek qytetaret është jetik  për garantimin e të drejtave të punëtorëve sepse kështu e drejta nuk do jetë më monopol i disa partive por i qytetarëve.

Kushti kryesorë për realizimin e të drejtave ekonomike është prishja e monopoleve në mënyrë të tillë që pasuria mos të jetë privilegj i një pakice por në shërbim të nevojave të gjithë shoqerisë.

Nëse skamja dhe monopolet ekonomike janë produkt i këtij ekuacioni politik atëherë edhe zgjidhja fillimisht duhet të jetë politike dhe pastaj ekonomike. Pervoja perëndimore ka dëshmuar se antibiotiku më efektiv kundër privilegjeve dhe monopoleve është zgjerimi i Demokracisë ku  vendimmarrja nuk është “pronë” e disa njerëzve por e qytetarëve.

E vetmja mënyrë për të dalë nga ky rreth vicioz “vidh, varfëro, sundo” është implementimi i Demokracisë Pjesëmarrëse ku modeli i qeverisjes të burojë nga hallet dhe problemet e qytetarëve dhe jo siç rëndom ndodh tash e 25+45 vite me rradhë ku hallet dhe problemet e qytetarëve burojnë nga modeli i qeversijes/Sundimit.

Vetëm nëse shteti vihet në sherbim të qytetarëve do të garantojë punësim dhe të drejta në punë. Sa kohë shteti do të jetë në konroll të partive të drejtat e punëtorëve do të mbeten thjeshtë premtime elektorale.

Së bashku për një kushtetutë të re ku ekonomia dhe politika vihen në sherbim të qytetarëve dhe jo të pushtetarëve!!!

ZgjiiiiiiiM!
#NukEshteVone për Shqipëri!

Demokraci Pjesemarrese

Leave a comment

Please be polite. We appreciate that. Your email address will not be published and required fields are marked