Pushtetarët shqiptarë kanë zëvendësuar legjitimitetin e popullit sovran me legjitimitet ndërkombëtar.

Presidenti duhet të jetë simboli i Unitetit të Popullit dhe jo lojë kulisash të pallatit të pushtetit.

Njësoj si viti 97 ku gjysma e Shqipërisë ishte në protestë edhe sot zgjedhja e Thaçit kur gjysma e Kosovës është në protestë – janë tregues të shteteve të kapura!

Shiptarët duhet të vënë në kontroll shtetet e tyre nëse duan prosperitet, demokraci e begati. Përndryshe, Thaça, Berisha, Rama e Meta do ketë përjetë mbi qafë!

Berisha dorëzon mandatin

Njeriu që vrau demokracinë shqiptare në djep, që dogji Shqipërinë në zjarr, që shkatërroi ushtrinë shqiptare, drejtësinë shqiptare, spitalet shqiptare, që nuk hapi dosjet, që shkatërroi pronën, që ngriti në pushtet kriminelët, që vodhi pasuritë e shqiptarëve, na kërcënon me dorëzimin e mandatit.

Rama nuk ka në kontroll gjykatat por gjykatësit

Kryeministri i vendit, Edi Rama i ftuar në folenë e tij në emisionin Top Story te Sokol Balles në Top Channel, iu përgjigj akuzave të opozitës se ka ndikuar tek gjykata për të nxjerrë nga burgu Armando Prengën. Rama i cilësoi këto akuza tërësisht të pavërtetë, ndërsa shtoi se nëse ai do të kishte në dorë gjykatat, para tyre do të ishin Lulzim Basha dhe Sali Berisha për 21 janarin.

I kujtojmë Kryeministrit se në Shqipëri “gjykatësit” ja japin të parit që kalon nëse paguan, nuk është një mafia e centralizuar që duhet ta organizosh nga sipër si në vende të tjera psh.

I kujtojmë Kryeministrit që nuk duhet të kesh në dorë Gjykatat për të bërë drejtësi.

Konçesionet dhe privatizimet vjedhja e së ardhmes