A i intereson realisht kastës së tranzicionit, integrimi europian?

A është gati të humbasë privilegjet?

A duan të bëjnë trasparente pasuritë kolosale që i vodhën këtij populli?

Pse varfëria e shqiptarëve është çelësi i sundimit?

Pse Europa nuk na pranon dot në këto kushte?

A bën dot Europa, atë çfarë është detyrë e çdo populli sovran?

Përse për 26 vite shpiken reforma, “sherre” e shkarkim përgjegjësish pozitë-opozitë-pozitë?

Mendoni vërtet se problemi është vettingu, ashtu si dje ishte aprovimi i gjykatës administrative, për ligjin antimafia, heqja e imunitetit, kodi zgjedhor etj etj Pretekste???

Problemi nuk janë reformat e programet, por vetë sistemi që është virus.

Sistemi është i kapur e punon kundër interesit publik për privilegje mes bandave në çdo pushtet.

Europa nuk aprovimin në letër por implementimin e tyre në praktikë!

Kjo do të thotë humbje privilegjesh:

1. Fundi i politikanëve të përjetshëm, hajdutë e mediokër, konfiskim pasurie

2. Fundi i monopoleve dhe çlirim i Ekonomisë

3. Fundi i propagandës dhe çlirim i medias

4. Fundi i bashkëjetesës me krimin e trafikun e drogës

5. Fundi i trafikimit të vendeve të punës në administratë e kudo

6. Çlirim i universiteteve dhe arrestim i dekanëve dhe rektorëve

7. Ngritja e popullit dhe fundi i partive shtet, privilegjeve dhe miliardave të vjedhura!

 

Kjo nuk është “luftë” e pozitës me opozitën, e psikoramës me bishën, e ambasadorëve të huaj!

Kjo është betejë e një populli për të marrë vendin në kontroll, për të kthyer institucionet në interes të 99% e jo 1% barbar.

Kush beson përrallën e re të vetingut jeton me iluzione kurse ata që e mbështesin punojnë kundër Shqipërisë sepse vonojnë Revolucionin Demokratik!

Europën e ndërtojmë këtu, duke kthyer normalitetin shtetit prej pushtetit, duke ngritur Ekonominë Kombëtare, duke i kthyer dinjitetin, mirëqënien dhe buzëqeshjen këtij populli! Kjo do bëhet jo me parti e maska por një kontratë të re sociale, ku populli nuk delegon por kontrollon shtetin e vet!

Largimi nga Europa, është një ogur i zi, duke larguar kuadrin ideal të afrimit me popujt europiaë. Historia jonë, heronjtë tanë, projekti i Rilindasve (ata origjinalë) është thellësisht europiane si populli më antik i kontinentit.

BE-ja sot është në krizë sepse ka përqafuar modelin neoliberal e antidemokratik, por Ne, shqiptarët duhet ta kritikojmë e ta ndryshojmë nga brenda e jo nga jashtë si jemi sot. Shpejt Europa, do rikthehet në gjurmët e saj në respekt të larmishmërisë dhe respektit të popujve, garantimit dhe prosperitetit për të gjithë e jo për elitat.

Ne duam të jemi brenda këtij projekti të ri, si uron Habermas e ashtu si po luftojnë shumë lëvizje progresiste.

Një Europë e popujve!

Kthimin e Demokracisë, ku vendosin Qytetarët e jo më elitat, partitë, lobet apo masoneritë!

Shqipon është në sinkron me këtë vizion e lufton për një Europë paqësore si Kant e baballarë të Iluminizmit ideuan.

Por beteja jonë sot bëhet këtu në Shqipëri kundër kastës së tranzicionit që po na largon çdo ditë e më shumë nga popujt europianë.

Prandaj i bëjmë thirrje rinisë e çdo qytetari të ngrihemi për të kapur trenin e fundit për në Europë.

Shpejt popullsia po plaket, varfëria e injoranca po rritet, kasta përforcohet me skllevër e mercenarë, borxhi po rritet e burimet po shkatërrohen si dhe Europës po i soset durimi, ashtu si dhe armiqtë tanë shekullorë janë tek pragu!

Ky Revolucion do jetë Revolucion i dritës, sepse nuk bazohet tek fytyrat e maskat, por mbi një projekt racional si iluminizmi evropian dhe Rilindja Kombëtare!

Lexoni platformën SOS-http://levizjashqipon.org/foto-galeri/thirrje-per-kuvend-kombetar-per-normalizimin-e-shqiperise/

e na mbështesni në punën tonë patriotike – shqipon.com